Juventusi po përgatitet të paguajë 30 milionë euro për Gabriel Jesus

12:43 | 27 Mars 2022
Lorik Gerbeshi

Juventusi është lidhur me një lëvizje për sulmuesin e Manchester Cityt, Gabriel Jesus, me Max Allegri që thuhet se është një adhurues i stilit të lojës së brazilianit.

Sulmuesi nuk është më produktiv, pavarësisht se luan në një skuadrë si Manchester City e cila krijon shumë raste, por Allegri ende e sheh atë tërheqës.

TuttoMercato pretendon se Bianconerët kishin dashur ta transferonin atë në verë, por ai u vlerësua në 50 milionë euro nga City në atë kohë dhe kjo tarifë ishte shumë e madhe për të paguar për të.

Ata mbeten të etur për ta shtuar Jesus në skuadrën e tyre kur afati kalimtar të rihapet sërish, por këtë herë ata do të ofrojnë vetëm deri në 30 milionë euro për transferimin e tij.

Jesus ka shënuar vetëm dy herë në 20 paraqitje të tij në ligë këtë sezon, por ai nuk ka lujtur gjithmonë si qendërsulmues dhe tetë asistimet e tij në këtë kompeticion tregojnë se ai mund të jetë i dobishëm edhe kur nuk shënon./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm